هشام عفيفي

صحابي بقالهم اسبوع بيتحايلوا عليا اروح معاهم حفلة منير

بيني وبينك ..منكرش اني احب اسافر معاهم خصوصا في طريق السفر..وفسحه وشم الفسيخ وانت عارف وكده

بس كل الموضوع اني بتكسف..

يعني بيتيجي عليا ايام..ببقي في امتحان ولاحاجه..واقعد ادعي ربنا..يا رب اليوم ده بس..يعني سامحني علي اي حاجه واقف جمبي اليوم ده بس

سواء كان مرض امتحانات..نتيجه..اي حاجه

والصراحه ربنا مبيخذلنيش..دراستي في الجامعه زي الزفت والحمد لله بيعديني صافي 

يتسد في وشي باب رزق..يفتحلي تسعه غيره

يوم ما بلجأ للناس ويتخلوا عني هو عمره ما بيتخلي عني

مع ان علي فكره..بعصيه كتير..وبتوب..وبيقبل توبتي..وبيرجع يقف جمبي

ويوفقني رغم اتخاذي بالاسباب ضعيف..يعني حاجه لا يمكن تتعمل عشان انا مخدتش بالاسباب دي..ومع ذلك بيقف معايا

فانا الصراحه بقيت اتكسف من ربنا..

ليه ببقي بطلب منه انه يبقي معايا يوم واحد بس..وانه يوفقني اليوم ده
وليه انا لما اجي اعصيه ..اقول قشطه ده يوم واحد ومشي حالك وحاجات كده 

“يا عم وهي مالها حفله منير فين المعصيه”

اني اروح بكامل قوايا العقليه..أشتري تيكت..واسافر ساعه ساعه ونص طريق..عشان اقف وسط ناس..تلت تربعهم هيبقي شارب..والدنيا كلها مملطه علي بعض…من 12 بليل لغايه الفجر”

معتقدش ان دي حاجه ترضي ربنا..معتقدش ان ربنا ممكن يتبسط لما يشوفني هناك

“يا عمي ده يوم”..

علاقتي مع ربنا..مش علاقه مصلحه..او علاقه اني بعرفه في الامتحانات ولا وقت الشده..ولما عبدته معبدتوش قهرا..مشيت ورا كلامه..لانه ادرى بخلقي..

لو جيت كلمتك انت كشخص..يوم قلتلك معلش تعالي اقف معايا

وبقيت الايام قلتلي تعالي معايا مثلا اروح معاك مكان بتحبه..ونفضتلك قلتلك لا يا عم فاكس النهارده.واجيلك في وقت تاني اطلب منك مصلحه

انت شخصيا هتضايق..هتحسني شخص نوعا ما زباله.

مع ان ربنا حاشا لله ان يكون بتفاهه البشر او بالحسابات الشخصيه دي

مهما تعصيه وتتوب اليه يغفرلك..ويفضل معاك..معندوش مشاكل..لو جتله بالارض كلها ذنوب..جالك بيها مغفره

منين يجيلي وش..ابقي عارف وفايق وفي كامل عقلي..واقول معلش اقضي اليوم ده كده..وربك غفور رحيم..يعني كمان عارف ونوعا ما فيها بجاحه

انا الصراحه ربنا وقف معايا كتير في حياتي..اتكسف اني امشيها حتى لو يوم..زي ما سعات كتير بحتاج يوم واحد بس ربنا يوفقني فيه وبكون في اشد الحاجه اليه..اني اتخلي عن اوامره او اروح حته مفيهاش نوعا ما اي شيء يرضيه.

الي بيخليني اتكسف اكتر..ان الله سبحانه وتعالى..غني عن عبادتي..وغني عن عبادتك..وليس في حاجه اليهم ولا في انك تلتزم باوامره

مع ذلك..امرني بالالتزام بيها..حرصا علي انا..الا يعلم من خلق وهو اللطيف الخبير

كانه خلقني انا زي العربيه..واوامره دي هي الفرامل..الي بتحافظ علي سلامة العربيه..لو حبت تجري وتمشي ورا سرعتها

اتكسف من ربنا..اني اؤمن باهميه الفرامل واني مستغناش عنها يوم في العربيه..ومؤمنش برضا ربنا عليا وان الموضوع يوم مش مستاهل

..

اهداء للي بيسألوني مالها حفله منير :)

فلتذهب الي سريرك..لاعنا حظك انه لم يكن عندك بيت اكبر من هذا..ولاعنا ان بعض من ملابسك لم يتم غسلها..وانك لم تتناول غدائك اليوم لأنه من البارحه.

ملحوظه جانبيه :

“حاول قدر الامكان..بدل ما تكتب الحمدلله علي الواحد فيه او علي النعمه.وكان ربنا حكرها عليك وسلبها منه بالواسطه يعني..وان ربنا كرمك عنه..الفقر والغنى ليسا منحه..بل هما الاتنين اختبار.

لما تتألم..اتعلم انك تقدر ما تملكه كويس..

وتفكر ازاي تخلي غيرك ميتألمش.

بدل ما تكتفي بان تنظرله نظره الشفقه..وتكتفي بحمد ربنا علي النعمه الي انت فيها..لانه نوع ما تصرفي في غاية الانانيه”